काठमाडौं - राष्ट्रिय प्रजातन्त्र पार्टीका वरिष्ठ उपाध्यक्ष रवीन्द्र मिश्रसँग आज इजलासमै बयान लिइँदै छ ।

राजावादी आन्दोलनमा भएका अराजक गतिविधिका कारण पक्राउ परेका रवीन्द्रसँग ‘सरकारको जवाफ देखाएर’ इजलासमै बयान लिन लागिएको हो ।

गत चैत १५ गते तीनकुनेमा भएको हत्या, आगजनी, तोडफोडसहितका अराजक गतिविधिको नेतृत्वकर्ताका रूपमा सोही दिन पक्राउ परेका मिश्र जिल्ला अदालतको आदेशमा म्याद थप हुँदै थुनामै छन् ।

उनकी श्रीमती सारिका कार्कीले काठमाडौं जिल्ला अदालतलाई समेत विपक्षी बनाएर बन्दीप्रत्यक्षीकरणको रिट दायर गरेकी थिइन् ।