टहरामाथि टिपर खस्दा मूलपानीमा २ को मृत्यु

काठमाडौैं - काठमाडौंको मूलपानीमा अस्थायी टहरामाथि टिपर खस्दा एक दम्पतीको मृत्यु भएको छ । 

बालुवा बोकेको बा ५ ख २५११ नम्बरको टिपर टहरामा खस्दा सुतिरहेका नुवाकोट घर भएका ५३ वर्षका सयरा तामाङ र उनकी श्रीमती जयन्ती तामाङको मृत्यु भएको हो । उनीहरुको घटनास्थलमै मृत्यु भएको छ । उनीहरुको शव शव पोस्टमार्टमका लागि शिक्षण अस्पताल महाराजगन्ज लगिएको छ । 

हाल टिपर चालक गोविन्द घलानलाई पक्राउ गरेर थप अनुसन्धान भैरहेको प्रहरीले जनाएको छ ।