होटलबाट हामफालेर महिलाद्वारा आत्महत्या

काठमाडौं,जनकपुरधाम - जनकपुरधामको एक होटलबाट महिलाले हाम फालेर आत्महत्या गरेकी छिन् । 

मंगलबार राति श्रीमानसँगै सुतेकी उनले जनकपुरधामस्थित सर्लाही होटल एण्ड गेस्ट हाउसबाट हामफालेर आत्महत्या गरेकी हुन् ।

आत्महत्या गर्नेमा म्याग्दीको तत्कालीन बिम गाविस ८ घर भएकी सृजना सुनार श्रीपाली रहेको बताइएको छ । 

उनले होटलको पाँचौँ तल्लाबाट हामफालेर आत्महत्या गरेकी हुन् । उनको शव आज बिहान होटल छेउमै रहेको खानेपानी संस्थानको परिसरमा फेला परेको थियो । 

यातायात कार्यालय जनकपुरबाट स्कुटीको लाइसेन्स बनाउन श्रीमान् विश्वास सिर्पालीसँगै उनी दुईदिन अगाडि नै जनकपुरधाम आएर उक्त होटलमा बसेको बताइएको छ । 

यता उनका श्रीमान् विश्वास ११ दिनअगाडि मात्र साउदीमा करिब डेढ वर्ष काम गरेर नेपाल आएका थिए ।