एकैदिन तोलामा साढे २० हजारले घट्यो सुन

काठमाडौं - नेपाली बजारमा आज सुनचाँदीको मूल्य घटेको छ ।

बिहीबार एकैदिन २० हजार ५०० सयले बढेको सुनको मूल्य शुक्रबार सोहि मूल्यले घटेको हो ।

आज सुन तोलामा २० हजार पाँच सय रुपैयाँले घटेर तीन लाख १८ हजार आठ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

बिहीबार सुन प्रतितोला तीन लाख ३९ हजार तीन सय रुपैयाँमा कायम भएर ऐतिहासिक रेकर्ड बनाएको थियो ।

यस्तै, आज चाँदीको मूल्य पनि घटेको छ । आज चाँदी तोलामा ४४० रुपैयाँले घटेर प्रतितोला ७ हजार ६५ रुपैयाँमा कारोबार भइरहेको महासंघले जनाएको छ ।

बिहीबार चाँदी प्रतितोला ७ हजार पाँच सय पाँच रुपैयाँमा कारोबार भएको थियो ।