काठमाडौं - प्रधानमन्त्री केपी शर्मा ओलीको पेटबाट स्टेन्ट निकालिएको छ। फलोअपको लागि आइतबार बिहान त्रिवि शिक्षण अस्पतालमा उनको स्टेन्ट निकालिएको हो । 

बिहान साढे १० बजेतिर अस्पताल पुगेका प्रधानमन्त्री ओली फलोअप सकेर दिउँसो ३ बजेतिर बालुवाटार फर्किएका छन्।

उनलाई डाक्टरहरुले आराम गर्न भनेका छन् । प्रधानमन्त्री ओली अबको केही समयपछि कोरोना भाइरस संक्रमणविरुद्ध साझा रणनीति बनाउनको लागि हुन लागेको सार्क सदस्य राष्ट्रहरुबीच भिडियो कन्फ्रेन्समा सहभागी हुँदैछन् । 

गत बुधबार दोस्रो पटक मिर्गौला प्रत्यारोपण गरेका प्रधानमन्त्री ओली फलोअपका लागि आइतबार बिहान त्रिवि शिक्षण अस्पताल पुगेका थिए।