काठमाडौं - जेनजी आन्दोलनसँग आबद्ध अभियन्ता रविकिरण हमाललाई प्रहरीले पक्राउ गरेको छ ।

जिल्ला प्रहरी परिसर काठमाडौंका अनुसार बिहीबार राजधानीको सुकेधाराबाट हमाललाई पक्राउ गरिएको हो । हमालमाथि सामाजिक सञ्जालमार्फत जनआन्दोलनमा उक्साउने गतिविधि गरेको आरोप छ ।

प्रारम्भिक अनुसन्धानका क्रममा उनले विभिन्न समूहलाई आन्दोलनमा सहभागी हुन प्रेरित गर्ने पोस्ट र भिडियोहरु सार्वजनिक गरेको प्रमाण फेला परेको प्रहरीले जनाएको छ।

हमाल राष्ट्रिय प्रजातन्त्र पार्टी (राप्रपा) का युवा नेतासमेत हुन्।