माइतीघरमा दिक्तेलका मेयरसँग सरकारी टोलीको छलफल

काठमाडौं-खोटाङको दिक्तेल रूपाकोट मझुवागढी नगरपालिकाका मेयर तीर्थराज भट्टराईले आजदेखि अनसन सुरु गरेका छन् ।

सातबुँदे माग राखेर काठमाडौंको माइतीघरमा आइतबार सत्याग्रह थालेका थिए । तीनदिने सत्याग्रहमा पनि माग सम्बोधन नभएपछि मेयर भट्टराईले आजदेखि अनशन थालेका हुन् ।

मेयर भट्टराईले देशव्यापीरूपमा बाँसका सामग्री प्रयोग गर्न नीति बनाउनुपर्ने, बाँदर व्यवस्थापन गर्नुपर्ने, स्थानीय उत्पादन प्रवर्द्धन गर्नुपर्नेसहित माग राखेका छन् ।

यसैबीच, आज मेयर भट्टराई र टोलीले माइतीघरमा छलफल गरेको छ ।

उक्त छलफल सकारात्मक रहेको मेयर भट्टराईका सहयोगीले जानकारी दिएका छन् ।