बुद्ध एयरको विमान दुर्घटनाबाट जोगियो, भैरहवाकाे रनवेमा टायर पञ्चर

काठमाडौं - भैरहवास्थित गौतमबुद्ध अन्तर्राष्ट्रिय विमानस्थलमा बुद्ध एयरको विमान दुर्घटनाबाट जोगिएको छ ।  शनिबार दिउँसो भैरहवाबाट काठमाडौंका लागि उड्न तयार रहेको बुद्ध एयरको उडान नं ८५६ को जहाजको आगाडिको टायर पञ्चर भएको हो ।

विमानस्थलका प्रवक्ता विनोदसिंह रावतका अनुसार रनवेमा स्पीड लिने क्रममा जहाजको अघिल्लो पांग्रा पड्किएको छ तर, कुनै मानवीय क्षति भने भएको छैन ।जहाजमा दुई बालबालिकासहित ७० जना यात्रु रहेका थिए । 

हाल यात्रुहरुलाई अर्को जहाजबाट काठमाडाैँ पठाउन थालिएको र धावनमार्गमा रोकिएको जहाजलाई प्राविधिक टिमले जाँच गरिरहेको छ । विमानस्थलकाे उडान र अवतरण अवरुद्ध भएको छ ।