७८ हजार नाघ्यो सुनको भाउ

काठमाडौं - आज नेपाली बजारमा सुनको भाउ बढेको नेपाल सुनचाँदी व्यवसायी महासंघले जनाएको छ ।

महासंघका अनुसार बिहिबार प्रतितोला ७७ हजार ७ सयमा कारोबार भैरहेको छापावाल सुनको मूल्य शुक्रबार प्रतितोला ४ सयले बढेर ७८ हजार १ सयमा कारोबार भैरहेको हो । यस्तै, शुक्रबार तेजाबी सुन प्रतितोला ७७ हजार ८ सयमा कारोबार भैरहेको छ ।

यस्तै, आज चाँदीको भाउ भने स्थिर रहेको छ । शुक्रबार चाँदी प्रतितोला ९ सय १५ रुपैयाँमा कारोबार भैरहेको महासंघले जनाएको छ ।