मधेसका मुख्यमन्त्री सिंहले मंगलबार विश्वासको मत लिने

काठमाडौं - मधेस प्रदेशका मुख्यमन्त्री सतिशकुमार सिंहले विश्वासको मत लिने भएका छन् ।मुख्यमन्त्री सिंहले असोज २८ गते मंगलबार प्रदेश सभामा विश्वासको मत लिन लागेका हुन् ।

मुख्यमन्त्री तथा मन्त्रिपरिषदको कार्यालयले विश्वासको मत लिने व्यवस्था मिलाउन आग्रह गर्दै प्रदेश सभालाई पत्र पठाएको छ ।

मुख्यमन्त्री सिंहले लेखेको पत्रमा भनिएको छ- ‘नेपालको संविधानको धारा १८८ को उपधारा ९२० बमोजिम विश्वासको मतका लागि मिति २०८२/०६/२८ गते व्यवस्था मिलाई दिनुहुन अनुरोध गर्दछु ।’

मधेस प्रदेश सरकारलाई दिएको समर्थन नेपाली कांग्रेस र नेकपा (एमालेले) फिर्ता लिएसँगै अहिले प्रदेश सरकार अल्पमतमा छन् ।

कांग्रेसले आफ्नो नेतृत्वमा सरकार गठनका लागि दाबी पेस गरिसकेको छ । मुख्यमन्त्री सिंहले विश्वासको मत नपाए नयाँ सरकार गठनको प्रक्रिया सुरु हुनेछ ।