राष्ट्रपति भण्डारीद्वारा संघीय संसदको बजेट अधिवेशन अन्त्य

काठमाडौं - राष्ट्रपति विद्यादेवी भण्डारीले संघीय संसदको बजेट अधिवेशन अन्त्य गरेको घोषणा गरेकी छन् ।

बिहीबार बसेको मन्त्रिपरिषद् बैठकले संघीय संसदको अधिवेशन अन्त्य गर्न गरेको सिफारिस अनुसार राष्ट्रपति भण्डारीले अपराह्न ५ बजे बजेदेखि अधिवेशन अन्त्य गरेकी हुन् ।

अब राष्ट्रपति कार्यालयबाट प्राप्त पत्रअनुसार संसद् सचिवालयले सूचना टाँस गरेपछि औपचारिक रुपमा अधिवेशन अन्त्य भएको मानिन्छ ।