रोनाल्डोको युभेन्ट्सलाई पराजित गर्दै लाजिओले जित्यो उपाधि

एजेन्सी - गएराति भएको सुपर कोपा इटालियामा लाजिओले १० जना खेलाडीमा सिमित युभेन्ट्सलाई ३(१ गोलले पराजित गर्दै उपाधि जित्न सफल भएको छ ।

लाजिओलाई उपाधि जिताउन लुइस अल्बेर्टो, सिनाडा लुलिक र डानिलो कटाल्डीले एक एक गोल गरेका थिए । त्यस्तै युभेन्ट्सका लागि पाउलो डीबालाले एक गोल गरे ।

लाजियोका लागि खेलको १६ औं मिनेटमा अल्बर्टोले गोल गर्दै अग्रता दिलाए ।

युभेन्ट्सका लागि खेलको ४५ औं मिनेटमा डीबालाले बराबरी गोल फर्काए ।तर, लाजियोका लागि खेलको ७३ औं मिनेटमा लुलिकले गोल गर्दै अग्रता दिलाए ।युभेन्ट्स खेलको ९० औं मिनेटमा १० जना खेलाडीमा सिमित भएको थियो । रोड्रिगोले रातो कार्ड पाएपछि युभेन्ट्स खेलको अन्तिम समयमा १० जना खेलाडीमा सिमित भएको थियो ।

अन्तिम समयमा डानिलोले गोल गर्दै लाजिओका लागि गोल गरे ।