काठमाडौं - नेपाल प्रहरीका नवनियुक्त महानिरीक्षक ठाकुरप्रसाद ज्ञवालीले बुधबार गृहसचिव महेश्वर न्यौपानले दर्ज्यानी चिह्न लगाइदिएका छन् ।

गृहमन्त्रालयमा आयोजित कार्यक्रममा उनलाई दज्र्यानी चिन्ह लगाइएको हो । ज्ञवालीलाई मंगलबार बसेको मन्त्रिपरिषद् बैठकले महानिरीक्षकमा बढुवा गरेको थियो ।

नवनियुक्त आइजिपी ज्ञवालीले गरे दर्ज्यानी चिन्ह ग्रहण

आईजीपी सर्वेन्द्र खनालले मंगलबारबाट ३० वर्षे सेवा अवधिका कारण अवकाश पाएपछि सरकारले ज्ञवालीलाई आइजीपीमा बढुवा गरेको हो ।

यसअघि नायव महानिरीक्षक (डीआईजी) रहेका ज्ञवाली प्रदेश १ प्रहरी प्रमुखको रुपमा कार्यरत थिए ।  ज्ञवालीले बुधबार नै प्रहरी प्रधान कार्यालय, नक्साल पुगेर पदभार ग्रहण गरेका छन् ।