केन्द्रीय समिति नै भंग गर्ने प्रस्तावपछि देउवा त्रसित, बोलाए बैठक

काठमाडौं-नेपाली कांग्रेसका सभापति शेरबहादुर देउवाले आफू निकटका नेताहरुलाई छलफलमा बोलाएका छन् ।

विशेष महाधिवेशनको बन्दसत्र चलिरहँदा सभापति देउवाले आफू निकटका नेताहरुलाई छलफलका लागि आफ्नै निवासमा बोलाएका हुन् ।

बैठक महाराजगञ्जस्थित देउवा निवासमा ३ बजे बस्नेछ ।

आजै विशेष महाधिवेशनले देउवा नेतृत्वको कार्यसमितिलाई भंग गरी नयाँ निर्वाचनमार्फत् नेतृत्व चयन गर्ने प्रस्ताव गरिसकेको छ ।

विशेष महाधिवेशनमा संस्थापन पक्षकै धेरै महाधिवेशन प्रतिनिधिहरुले हस्ताक्षर गरेपछि त्रसित बनेका देउवाले त्यसबारे थप छलफल गर्न बैठक बोलाएका हुन् ।

हिजो पनि महाधिवेशनको उद्घाटन समारोह चलिरहँदा देउवाले आफूनिकट नेताहरूलाई आफ्नो निवास महाराजगञ्जमा बोलाएका थिए ।

छलफल पार्टीका कार्यवाहक सभापति पूर्णबहादुर खडका र केन्द्रीय सदस्य रमेश लेखकलगायतका नेता सहभागी थिए ।