काठमाडौं - नेपाल प्रहरीका चार जना प्रहरी वरिष्ठ उपरीक्षक (एसएसपी) नायव महानिरीक्षक (डीआईजी)मा बढुवाका लागि सिफारिस भएका छन्। 

बढुवा सिफारिस समितिले बुधबार एसएसपीहरू नलप्रसाद उपाध्याय, मोहनकुमार आचार्य, राजेन्द्रप्रसाद चौधरी र मसाउद आलम खाँलाई डिआइजीमा बढुवाको लागि सिफारिस गरेको हो।

हालसालै तीन जना डिआइजीहरू एआइजीमा बढुवा भएपछि सिट खाली भएको थियो। तीन जना डीआईजी वशन्त पन्त, धिरज सिंह र रबिन्द्र धानुक एआईजीमा बढुवा भएपछि र राजेशलाल कर्ण उमेर हदका कारण वैशाख २ गतेबाट अनिवार्य अवकास हुने भएपछि चार जना रिक्त भएको हो।