स्ववियूको निर्वाचन अनिश्चितकालका लागि स्थगित

काडमाडौं - आगामी फागुन १४ गते तोकेको स्वतन्त्र विद्यार्थी युनियनको निर्वाचन स्थगित भएको छ ।

सोमबार बसेको त्रिवि कार्यकारी परिषदको बैठकले 'विशेष कारण' देखाउँदै अनिश्चितकालका लागि निर्वाचन स्थगित भएको जनाएको हो ।

त्रिविले गत पुस २० गते आंगिक तथा सम्बन्धनप्राप्त क्याम्पसहरुमा हाल रहेको स्वतन्त्र विद्यार्थी युनियनको कार्यकाल पूरा भएकाले नयाँ स्ववियू चुनाव गर्ने निर्णय गरेको थियो ।

यसअघि २०७३ फागुन १८ गते स्ववियु चुनाव भएको थियो । उनीहरूकाे दुई वर्षे कार्यकाल सकिएपछि आगामी फागुन १३ गतेसम्मका लागि थप गरिएको थियो।