पत्रकारले जाँच दिनुपर्ने व्यवस्था हटाउँछौ : सञ्चारमन्त्री बाँस्कोटा

विराटनगर - सञ्चार तथा सूचना प्रविधिमन्त्री गोकुलप्रसाद बाँस्कोटाले पत्रकारले लाइसेन्सको लागि जाँच दिनुपर्ने व्यवस्था हटाउन लागेको स्पष्ट पारेका छन् ।

विराटनगर विमानस्थलमा बिहीबार साँझ सञ्चारकर्मीसँग कुरा गर्दै बाँस्कोटाले पत्रकारको जाँच लिनेसम्बन्धी व्यवस्था हटाउने तयारी भइरहेको बताएका हुन् । 

सञ्चारमन्त्री बाँस्कोटाले क्षमता नभएको संस्थाबाट जाँच लिनु अनुपयुक्त देखिएकाले जाँच लिने व्यवस्था हटाउने बताए।

उनले एमसीसी विशुद्ध विकाससँग सम्बन्धित योजना भएकाले यसको विरोध गर्नुको कुनै तुक नभएको धारणा राखे। मन्त्री बाँस्कोटाले एमसीसीमा कुनै पनि विवादास्पद विषय नभएकाले सरकारले यसलाई संसद्बाट पारित गराउन लागेको जानकारी दिए।