काठमाडौं - सत्तारूढ नेपाल कम्युनिष्ट पार्टी (नेकपा)को स्थायी समिति बैठक बिहीबार बिहान ११ बजे पार्टी कार्यालय धुम्बाराही बस्ने भएको छ । बैठकको समय र स्थानबारे जानकारी आएको एक स्थायी कमिटी सदस्यले जानकारी दिए ।

नेकपामा पछिल्लो समय चर्किँदै गएको आन्तरिक विवादबारे छलफल गर्न नेताहरुले स्थायी समिति बैठक बोलाउन माग गरेका थिए । त्यसपछि शनिवारको सचिवालय बैठकले स्थायी कमिटी बैठक बोलाएको थियो ।

बैठकको तयारी र प्रस्ताव तयार गर्न अहिले बालुवाटारमा नेकपा सचिवालय बैठक बसिरहेको छ । नेकपा स्थायी समिति बैठक गत मंसिर अन्तिममा एक सातासम्म बसेको थियो।