संसद विघटनको बिरोध गर्दै काठमाडौंमा राँके जुलुस

काठमाडौं - नेपाल कम्युनिस्ट पार्टी (नेकपा)को पुष्पकमल दाहाल ‘प्रचण्ड’ र माधव नेपाल समूहले काठमाडौंमा मसाल जुलुस निकालेको छ। सरकारविरुद्ध प्रचण्ड-नेपाल पक्षका कार्यकर्ताहरुले बबरमहल र बिजुलीबजारमा मसाल जुलुस निकालेको हो।

संसद विघटनको विरोधमा प्रचण्ड-नेपाल पक्षको बिहीवार बसेको केन्द्रीय कमिटी बैठकले सरकारविरुद्ध देशभर विरोधका कार्यक्रम गर्ने निर्णय गरेको छ। बैठकले संघर्षका कार्यक्रम सञ्चालन गर्नका लागि नारायणकाजी श्रेष्ठको संयोजकत्वमा कमिटी समेत बनाएको छ।