मुग्लिन-नारायणगढ सडक अझै खुल्न सकेन

चितवन - पहिरोका कारण मुग्लिन–नारायणगढ सडक रातिदेखि दुईतर्फी नै बन्द छ ।

हिजो बेलुकी चितवनको इच्छाकामना गाउँपालिका-६ मा पर्ने तुइन खोलामा खसेको पहिरोले सडक रातभर अवरुद्ध भएको हो ।

थप पहिरो झर्ने जोखिम कायमै रहेकाले राति सडक बन्द गरिएको थियो । तर, रातिदेखि बन्द सडक बिहान ६ बजेसम्म पनि खुल्न सकेको छैन ।

रातभर सडक अवरुद्ध हुँदा गन्तव्यमा हिँडेका सयौं यात्रु बाटोमै अलपत्र परेका छन् ।