इटालीद्वारा हंगेरी पराजित

काठमाडौं, एजेन्सी - युइएफए नेसन्स लिग ए ग्रुप ३ को खेलमा इटालीले हंगेरीलाई पराजित गरेको छ । 

मंगलबार राति भएको खेलमा घरेलु टोली इटालीले हंगेरीलाई २–१ गोलले हराएको हो ।  इटालीको जितमा निकोलो बरेल्ला र लोरेन्जो पलिग्रेनीले गोल गरे । हंगरीले उपहार गोल पाएको थियो ।

खेलको ३०औं मिनेटमा निकोलो बरेल्लाको गोलबाट इटालीले सुरुवाती अग्रता लिएको थियो । ४५औं मिनेटमा लोरेन्जो पेलिग्रेनीले गोल गर्दै इटालीको अग्रता दोब्बर पारे ।

६१औं मिनेटमा जियानलुका मान्सिनीले आत्मघाती गोल गरेपछि हंगेरी २–१ को स्थितीमा आएको थियो । तर, त्यसपछि थप गोल हुन सकेन र नतिजा इटालीको पक्षमा गयो । 

इटाली दुई खेलबाट ४ अंक जोडेर समूहमा शीर्षस्थानमा उक्लिएको छ । हंगेरी ३ अंक जोडेर दोस्रो स्थानमा रहेको छ । जर्मनीको २ तथा इंग्ल्यान्डको १ अंक छ । मंगलबार राति नै भएको अर्को खेलमा जर्मनी र इंग्ल्याण्डले बराबरी खेलेका छन् ।