एजेन्सी - गएराति भएको प्रिमियर लिगमा म्यानचेस्टर युनाइटेडलाई लिगको पुछारमा रहेको क्लब वाट्फोर्डले २-० गोलले पराजित गर्न सफल भएको छ ।

नयाँ प्रशिक्षक आएसँगै व्याक टु व्याक सानदार खेल खेलेको वाट्फोर्डका लागि इस्माइला सार र ट्रोय डेनीले एक एक गोल गरेका थिए ।

वाटफोर्डका लागि खेलको ५० औं मिनेटमा इस्माइलाले गोल गरे । लगत्तै ५४ औं मिनेटमा डेनीले पेनाल्टीमार्फत गोल गर्दै दुई गोलको अग्रता बनाए ।

म्यानुले खेलमा कमव्याक गर्न सकेन । १८ खेल खेलिसक्दा वाटफोर्डको यो दोस्रो जित हो । रेलिगेशनबाट बच्न हरसम्भव प्रयास गरिराखेको वाटफोर्डलाई यो जितले ठुलो राहत मिलेको छ ।

२० औँ स्थानमा रहेको वाट्फोर्डले १८ खेलमा १२ अंक जोडेको छ । आठौं स्थानको युनाइटेडले १८ खेलमा २५ अंक जोडेको छ ।