ओलीले जनताको पक्षमा काम गर्नु साटो ओलीले धोका दिएः गगन थापा

काडमाडौं,पोखरा - नेपाली कांग्रेस नेता गगनकुमार थापाले प्रधानमन्त्री केपी शर्मा ओलीले जनताको पक्षमा काम गर्नु साटो ओलीले धोका दिएको आरोप लगाएका छन् ।

बिहीबार नेपाल शिक्षक संघ बागलुङको २० औं र २१ औं जिल्ला प्रतिनिधिसभा बिहीबार उद्घाटन गर्दै सुखी नेपाली र समृद्ध नेपाल बनाउने नारा दिएर जनताको पक्षमा काम गर्नु साटो ओलीले धोका दिएको नेता थापाको आरोप छ ।

नेता थापाले नेपाल कम्युनिष्ट पार्टी (नेकपा)को हैसियतसँगै प्रधानमन्त्री ओलीको पनि सरकार चलाउने हैसियत सकिएको बताएका छन्। नेकपाको वैधानिकता समाप्त भएपछि सरकारको पनि वैधानिकता सकिएको भन्दै राजीनामा दिनुपर्नेमा अझै निरंकुश शासकझैं बसिरहेको पनि आरोप लगाए। निर्वाचन जितेर गएपछिका कुनै बैठकमा जनताको जीविकाबारे एउटा बैठक र बहस नभएको उनले टिप्पणी गरे।

‘कोरोना संकटको एक महिनामा प्रधानमन्त्रीले के गर्छन् भनेर नियाल्दा एकपटक पनि पीडितबारे छलफलसमेत नगरेको भेटियो’, थापाले भने, ‘आफ्नै पद जोगाउने झगडाबाहेक जनताले केही देख्न पाएनन्।’ कांग्रेसले ५० लाख रुपैयाँ लगेर सरकारी खातामा राखिदिँदासमेत सरकार र नेतृत्व गरेको दल झगडामा मस्त रहेको थापाको आरोप छ ।