नेपालमा थप २२ जनामा कोरोना पुष्टि

काठमाडौं - नेपालमा थप २२ जनामा कोरोना संक्रमण पुष्टि भएको छ । देशभर कूल २ हजार ५ सय १६ पिसिआर परीक्षणका क्रममा १६ जना र १ हजार ३ सय १९ एन्टीजेन परीक्षणका क्रममा ६ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ ।

त्यस्तै कोरोनाका कारण कसैको पनि मृत्यु नभएको स्वास्थ्य मन्त्रालयले जनाएको छ । 

मन्त्रालयका अनुसार थप ७५ संक्रमित कोरोनामुक्त हुँदा हालसम्म नेपालमा ९ लाख ६५ हजार ४ सय ६९ जना निको भएका छन् । हाल नेपालमा १ हजार २२ संक्रमित संक्रमित आइशोलेशनमा रहेको मन्त्रालयले जनाएको छ ।