जोशीको स्वास्थ्य अवस्था बुझ्न नर्भिक पुगे देउवा

काठमाडौं - नेपाली कांग्रेसका सभापति शेरबहादुर देउवा मष्तिष्कघात भई उपचाररत काँग्रेस नेता नवीन्द्रराज जोशीको स्वास्थ्य अवस्था बुझ्न नर्भिक अस्पताल पुगेका छन् । 

फागुन १४ गते मस्तिष्कघात भई कांग्रेसका युवा नेता तथा पूर्वमन्त्री नवीन्द्रराज जोशी नर्भिक अस्पतालमा भर्ना भएका थिए । उनको अहिले भेन्टिलेटरमा उपचार भैरहेको छ । 

बुधबार दिउँसो अस्पताल पुगेका देउवाले जोशीको  उपचारमा संलग्न स्वास्थ्यकर्मीसँग पछिल्लो अवस्था र उपचारको बिषयमा जानकारी लिएका थिए । देउवाले अस्पतालमै रहेका जोशीकी पत्नी र परिवारजनलाई सान्त्वना समेत दिएका थिए । 

उपचारमा संलग्न स्वास्थ्यकर्मीहरुले जोशी अझै भेन्टिलेटरको सपोर्टमा रहेको विषय जानकारी गराएका थिए ।