कोरोना संक्रमणबाट काभ्रेमा थप एक जनाको मृत्यु

बनेपा - कोरोना भाइरसको सङ्क्रमणबाट काभ्रेमा थप एक जनाको मृत्यु भएको छ । 

पनौती नगरपालिका ५, चौकोटकी ५० वर्षीया महिलाको धुलिखेल अस्पतालमा सोमबार राति मृत्यु भएको  हो । 

मृतकको कोरोना सङ्क्रमणपछि धुलिखेल अस्पतालको भेन्टिलेटरमा उपचारका क्रममा १९ दिनपछि मृत्यु भएको बताइएको छ । 

योसहित काभ्रेमा तीन महिला र दुई पुरुष गरी ५ जनाको कोरोना सङ्क्रमणका कारण मृत्यु भएको छ ।