काठमाडौं - पछिल्लो २४ घण्टामा नेपालमा कोरोना भाइरस (कोभिड-१९)काे नयाँ संक्रमित नभेटिएको स्वास्थ्य तथा जनसंख्या मन्त्रालयले जनाएको छ ।

मन्त्रालयका प्रवक्ता डा. विकास देवकोटाले थप संक्रमित नभेटिएको स्पष्ट पारेका हुन् । हालसम्म नेपालमा ५९ जनामा कोरोना संक्रमण देखिएको छ । जसमध्ये १६ जना निको भएर घर फर्किसकेका छन् भने बाँकी मुलुकका विभिन्न अस्पतालमा उपचाररत छन् ।

यस्तै, कोरोना संक्रमणको आशंकामा हालसम्म्म नेपालमा ६१ हजार ६२७ जनामा परिक्षण गरिएको छ । जसमा पीसीआर विधिबाट १३ हजार ९८ जना र आरडीटीबाट ४८ हजार ५२९ जनाको परिक्षण गरिएको हो ।