काठमाडौं - नेकपा एमाले प्रवेश गरेका आफ्ना पार्टीका प्रदेश २ का चार जना प्रदेश सभा सदस्यलाई माओवादी केन्द्रले कारबाही गरेको छ। सोमबार बसेको प्रदेश सभाको बैठकमा सभामुख सरोज यादवले सो जानकारी दिएका हुन् । 

कारबाहीमा पर्नेमा प्रदेश सभा सदस्यहरु रामचन्द्र मण्डल, ज्वालाकुमारी साह, कुन्दनप्रसाद कुशवाहा र मोहम्मद समीर छन् । 

सर्वोच्च अदालतबाट नेकपा एकता बदर भएपछि नेकपा माओवादी केन्द्र छाडेर नेकपा एमालेमा गएका उनीहरुलाई अध्यक्ष पुष्पकमल दाहाल ‘प्रचण्ड’ले २४ घण्टै स्पष्टीकरण सोधेका थिए । तर, कसैले पनि स्पष्टीकरण नबुझाएपछि उनीहरुको सांसद पद गुमेको हो ।