काठमाडौं -  विश्वभर महारामारीको रुपमा फैलिरहेको कोरोनाभाइरस (कोभिड–१९) का कारण मृत्यु हुनेको संख्या ३९ हजार १२ पुगेको छ ।

८ लाख हजार ५५६ जनामा भाइरस संक्रमणको पुष्टि भइसकेको छ । संक्रमितहरु ठूलो संख्यामा उपचारपछि निको पनि भएका छन् ।

पछिल्लो तथ्यांकअनुसार एक लाख ७२ हजारजना उपचारपछि निको भएका छन् । कोरोनाको चर्को महामारी खेपिरहेको इटलीमा मृत्यु हुनेको संख्या ११ हजार ५९१ पुगेको छ ।

कोरोनासँग जुधिरहेको अर्को यूरोपेली मुलुक स्पेनमा ८ हजार १८९ जनाको मृत्यु भएको छ । उता, इरानमा दुई हजार ८९८ जनाको मृत्यु भएको छ । फ्रान्समा तीन हजार ११० जनाको मृत्यु भएको छ ।

अमेरिकामा पनि कोराना संक्रमण तीव्रगतिमा फैलिरहेको छ । अमेरिकामा कोरोनाका कारण तीन हजार १७४ जनाको मृत्यु भएको छ । योसँगै अमेरिकाका कोरोना संक्रमितको संख्या एक लाख ५५ हजार ७४३ पुगेको छ ।

बेलायतमा १४ सय आठजनाको मृत्यु छ । जर्मनीमा आजमात्रै थप ३७ जनाको मृत्यु भएको छ भने मृतकको संख्या ६८२ पुगेको छ ।

कोरोना संक्रमण नियन्त्रण गरेको चीनमा हालसम्म तीन हजार ३०५ जनाको मृत्यु भएको छ । नेदरल्यान्ड्समा एक हजार ३९ जनाको मृत्यु भएको छ ।

बेल्जियममा ७०५ जनाको मृत्यु भएको छ । पोर्चुगलमा १६० जनाको मृत्यु भएको छ भने ब्राजिलमा १६५ जनाको मृत्यु भइसकेको छ ।भारतमा मृतकको संख्या ३२ पुगेको छ भने एक हजार २५१ जना संक्रमित छन् । पाकिस्तानमा २५ जनाको मृत्यु भएको छ भने संक्रमितको संख्या एक हजार ८६५ पुगेको छ ।