काठमाडौं - नवनियुक्त गृहमन्त्री सुधन गुरुङले मन्त्रालय पुगेर औपचारिक रूपमा पदभार ग्रहण गरेका छन् ।

प्रधानमन्त्री बालेन्द्र साह (बालेन) नेतृत्वको मन्त्रिपरिषदमा तेस्रो वरीयतासहित गृह प्रशासनको जिम्मेवारी पाएका गुरुङले आजदेखि कार्यभार सम्हालेका हुन् ।

पदभार ग्रहणसँगै गृह प्रशासनसँग सम्बन्धित कार्यहरू नियमित रूपमा अघि बढाउने जिम्मेवारी उनको नेतृत्वमा सुरु भएको छ ।

पदभार ग्रहण गरेलगत्तै गृहमन्त्री गुरुङले जिल्ला प्रशासन कार्यालयको सेवा प्रवाह एकद्वार प्रणालीबाट गर्ने पहिलो निर्णय गरेका छन् । 

मन्त्रालयमा प्रवेशका क्रममा सचिवसहित उच्च अधिकारी तथा कर्मचारीहरूले उनलाई स्वागत गरेका थिए ।

भदौ २३ र २४ को जेनजी आन्दोलनबाट एकाएक उदाएका सुदन गोरखा १ बाट निर्वाचित भएका थिए ।