सिके राउतलाई २४ घण्टाभित्र राजीनामा दिन अल्टिमेटम

काठमाडौं - जनमत पार्टीभित्र गहिरिँदै गएको आन्तरिक विवाद झन् चुलिएको छ।

पार्टीका शीर्ष नेताहरूले अध्यक्ष डा. सिके राउत र संगठन विभाग प्रमुख जयकान्त राउतलाई २४ घण्टाभित्र पदबाट राजीनामा दिन अल्टिमेटम दिएका छन्।

उपाध्यक्ष अब्दुल खनाको नेतृत्वमा तयार पारिएको पत्रमा ६ जना नेताहरूको हस्ताक्षर छ। उनीहरूले पार्टी नेतृत्वमा गम्भीर राजनीतिक विचलन, स्वेच्छाचारिता र संगठनको असमान व्यवहारजस्ता विषयमा असन्तुष्टि जनाउँदै तत्कालीन जिम्मेवारीबाट डा. राउत र जयकान्त राउतले राजीनामा दिनुपर्ने माग राखेका हुन्।

राजीनामा नदिए उचित राजनीतिक कदम चालिने चेतावनी दिँदै उनीहरूले पार्टीको भविष्यमाथि प्रश्न उठ्ने स्थिति आउनु दुःखद हुने बताएका छन्।