चर्चित नृत्यांगना सीता सुवेदीको निधन

काठमाडौं-चर्चित नृत्यांगना सीता सुवेदीको ४० वर्षको उमेरमा निधन भएको छ। ३ महिनादेखि फोक्सोको क्यान्सर पीडित उनको निधन बिहान साढे ६ बजे त्रिवि शिक्षण अस्पतालमा भएको परिवारले जनाएको छ।

उनी १ महिनादेखि अस्पतालको भेन्टिलेटरमा थिइन्। चितवन घर भएकी सुवेदीको दाहसंस्कार मंगलबार गरिने भएको छ।

उनलाई १२ वर्षको उमेरमा खुट्टाको क्यान्सर भयो र देब्रे खुट्टा काट्नु परेको थियो। उनले एक खुट्टाले नाचेर पहिचान बनाएकी थिइन्।

उनी क्लासिक नेपाल फाउन्डेसनकी संस्थापक, मिस इन्टरनेसनल २०२३, प्रेरक वक्ता, गायिका, इन्टरमिडिएट–लेभल कथक नृत्यमा स्वर्ण पदक विजेता थिइन्।