फेरि लाख नाघ्यो सुनको भाउ

काठमाडौं - नेपाली बजारमा आज पनि सुनचाँदीको मूल्य बढेको छ । 

नेपाल सुनचाँदी व्यवसायी महासंघका अनुसार सोमबार प्रतितोला ९९ हजार ५ सय रुपैयाँ कायम भएको छापावाल सुनको भाउ मंगलबार ८ सय रुपैयाँले बढेर १ लाख ३ सय रुपैयाँमा कारोबार भैरहेको छ । तेजावी सुनको भाउ तोलाको ९९ हजार ८ सय रुपैयाँ निर्धारण गरिएको छ ।  

यसैगरी आज चाँदीको मूल्य पनि बढेको छ  । सोमबार प्रतितोला एक हजार ३७५ रुपैयाँमा कारोबार भएको चाँदी मंगलबार २० रुपैयाँले बढेर एक हजार ३९५ रुपैयाँ मूल्य निर्धारण भएको महासंघले जनाएको छ ।