रूकुमपूर्वको ओढारमा भेटियो ठूलो संख्यामा सकेट बम

काठमाडौं - रूकुम पूर्वको एक ओढारमा ठूलो संख्यामा सकेट बम फेला परेको छ। 

सिस्ने गाउँपालिका–२ बुर्किसल्लाको जंगलमा रहेको ओढारमा कालो ड्रमभित्र ठूलो संख्यामा बम फेला परेको रूकुमपूर्व जिल्ला प्रहरी कार्यालयले जनाएको छ । 

बिहीबार दिउँसो ओढारमा प्लास्टिकको ड्रममा लुकाएर राखिएको अवस्थामा शंकास्पद वस्तु फेला परे स्थानीयले प्रहरीलाई खबर गरेको थियो । ती बमहरू पुराना रहेकाले युद्वकालमै लुकाएर राखिएको हुनसक्ने प्रहरीले जनाएको छ ।