युरोपियन कन्फ्रेन्स लिगको उपाधि रोमालाई

काठमाडौं,एजेन्सी - इटालिन क्लब रोमाले युरोपियन कन्फ्रेन्स लिगको उपाधि जित्न सफल भएको छ ।

गएराति भएको खेलमा फेयनोर्ड क्लबलाई १-० गोलले पराजित गर्दै उपाधि जितेको हो । 

रोमाका लागि एकमात्र गोल जानिलोले गरे । यो रोमाको पहिलो युरोपियन उपाधि हो ।

प्रशिक्षक जोसे मोउरिन्होले रोमालाई पहिलो युरोपियन उपाधि जिताउन सफल भएका हुन् ।

सन् २०१७ मा म्यानचेस्टर युनाइटेडलाई युरोपा लिगको उपाधि जिताउन सफल भएका मोउरिन्होले त्यसयता जितेको यो पहिलो उपाधि हो ।