मौसम : विहीबार राति केही स्थानमा हल्कादेखि मध्यम वर्षा

काठमाडौं - मौसम पूर्वानुमान महाशाखाले विहीबार देशका अधिकांश स्थानमा आंशिकदेखि सामान्य बदली रहने जनाएको छ ।

आज दिउँसो देशका अधिकांश ठाउँमा आंशिकदेखि सामान्य बदली रही पश्चिमका केही स्थानहरुमा साथै मध्य तथा पूर्वका पहाडी भू–भागमा मेघ गर्जन र चट्याङ्गसहित वर्षा हुने मौसम पूर्वानुमान महाशाखाले जनाएको हो ।

देशको पश्चिमी भू–भागका एक दुई स्थानहरूमा भारी वर्षाको सम्भावना रहेको जनाइएको छ । राति देशका धेरैजसो स्थानहरुमा सामान्यतया बदली रही देशका केही स्थानहरुमा हल्कादेखि मध्यम वर्षा हुनेछ ।

महाशाखाका अनुसार देशको पश्चिमी तथा मध्य भू–भागका एकदुई स्थानहरूमा भारी वर्षाको सम्भावना रहेको छ । हाल देशका अधिकांश स्थानहरूमा आंशिकदेखि सामान्य बदली रही पश्चिमी पहाडी भू–भागका थोरै स्थानमा हल्का वर्षा भईरहेको छ ।