काठमाडौं - पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकको बन्दीप्रत्यक्षीकरण रिटमाथि आज सुनुवाइ हुँदैछ ।

गैरकानुनी रूपमा थुनामा राखिएको दाबी गर्दै तत्काल रिहाइको मागसहित आइतबार दायर रिटमा सोमबारका लागि पेसी तोकिएको हो ।

उक्त निवेदन ओलीका तर्फबाट उनकी पत्नी राधिका शाक्य र लेखकका तर्फबाट यशोदा लेखक ले दर्ता गराएकी हुन्।

भदौ २३ र २४ गते भएको तथाकथित ‘जेनजी आन्दोलन’ का क्रममा भएको दमनमा संलग्न रहेको आरोपमा उनीहरूलाई पक्राउ गरिएको हो ।

जाँचबुझ आयोग ले उक्त घटनामा जिम्मेवार ठहर गर्दै दुवै नेताविरुद्ध मुद्दा चलाउन सरकारलाई सिफारिस गरेको थियो।

सोही प्रतिवेदनका आधारमा वर्तमान सरकारले शनिबार दुवैलाई नियन्त्रणमा लिएको हो।