पाम आयलको निर्यात खुला

काठमाडौं - भारतले नेपालबाट पाम आयल आयातमा लगाएको रोक ६ महिनाको लागि खुला गरेको छ ।

नेपालबाट भारत निर्यात हुने प्रशोधित पाम आयल बिहीबारदेखि खुला गरेपछि निर्यात गर्ने बाटो खुलेको हो ।

भारतको डाइरेक्टरेट जनरल अफ फरेन ट्रेडले एक सूचना प्रकाशित गर्दै पाम तेलको आयात खुला गरेको जनाएको हो ।

भारतले गत वर्ष असारदेखि पाम आयलको आयात रोकेको थियो । नेपालबाट भारतमा बार्षिक २५ अर्बभन्दा बढीको पाम आयल निर्यात हुने गरेको थियो ।