वाग्मती प्रदेशसभा सदस्य सिग्देललाई कोरोना

काठमाडौं - वाग्मती प्रदेशसभा सदस्य तथा नेकपा मकवानपुरका अध्यक्ष मुनु सिग्देललाई कोरोना संक्रमण भएको छ ।

रुघाखोकी लागेपछि कोरोनाको ‘पीसीआर’ परीक्षण गर्दा ‘रिपोर्ट पोजिटिभ’ आएको सांसद सिग्देलले बताइन ।

यही असोज ५ गते हेटौंडाबाट काठमाडौं गएकी उनी काठमाडौंमै ‘होम आइसोलेसन’मा बसेकी छिन ।

उनको अहिले स्वास्थ्य अवस्था सामान्य रहेको र उहाँको परिवारमा भने कसैलाई संक्रमण नरहेको जनाइएको छ ।

उनी प्रतिनिधिसभा सदस्य विरोध खतिवडाकी श्रीमती तथा मिस नेपाल २०१८ शृंखला खतिवडाको आमा हुन ।