कक्षा १२ को परीक्षा साउन ३१ गतेदेखि [तालिकासहित]

काठमाडौं - कक्षा १२ को परीक्षा साउन ३१ गतेदेखि शुरु हुने भएको छ ।

राष्ट्रिय परीक्षा बोर्डको निर्णय अनुसार विद्यार्थीहरूले होम सेन्टरबाट परीक्षा दिन पाउने छन् ।परीक्षा भदौ ९ गतेसम्म हुने भएको छ । 

परीक्षा अवधिमा गाइजात्रा र जनैपूर्णिमाको दिन विदा दिएर शनिबार पनि परीक्षा सञ्चालन गरिनेछ । 

गत जेठ २६ गते तय भएको परीक्षा दोस्रो लहरको कोरोना संक्रमणको तीव्र गतिमा फैलन थालेपछि स्थगित भएको थियो । देशभरका ३ लाख ७७ हजार विद्यार्थीहरू परीक्षामा सहभागी हुनेछन् ।