नेपालमा थप १७ कोरोना संक्रमितको मृत्यु

काठमाडौं - नेपालमा कोरोनाभाइरसको संक्रमणबाट पछिल्लो २४ घण्टामा थप १७ जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार नेपालमा कोरोनाबाट मृत्यु हुनेको संख्या ८ सय २९ पुगेको छ । नेपालमा पछिल्लो २४ घण्टामा थप ४ हजार ४९९ जनामा कोरोना भाइरस संक्रमण पुष्टि भएको मन्त्रालय जनाएको छ ।

मन्त्रालयका अनुसार आज मुलुकका विभिन्न प्रयोगशालामा गरिएको परिक्षणमा ४ हजार ४९९ जनामा संक्रमण देखिएको हो । योसँगै कुल संक्रमितको संख्या एक लाख ५३ हजार ८ पुगेको छ ।

संक्रमितमध्ये हालसम्म कोरोना जितेर घर फर्किनेको संख्या १ लाख ५ हजार ४८८ पुगेको छ । पछिल्लो २४ घण्टामा थप २ हजार ६६८ जना उपचारपछि डिस्चार्ज भएका छन् ।