चेल्सीको सहज जित

काठमाडौं,एजेन्सी - इंग्लिस प्रिमियर लिगमा चेल्सीले सहज जित हात पारेको छ । गएराति घरेलु मैदानमा भएको खेलमा चेल्सीले न्युकासल युनाईटेडलाई २-० ले पराजित गरेको हो ।

खेलको ३१ औं मिनेटमा ओलिभर जिरुउडको गोलबाट चेल्सीले सुरुवाती अग्रता लिएको थियो । त्यसपछि ३९ औं मिनेटमा टिमो वेर्नेरले गोल गर्दै चेल्सीलाई २-०को सहज जित दिलाए ।

जितसँगै चेल्सी २४ खेलमा ४२ अंक जोडेर लिगको चौंथो स्थानमा उक्लिएको छ । पराजित न्युकासल २५ अंक जोडेर १७ औं स्थानमा छ ।