‘अपरेसन सिन्दूर’को जवाफमा पाकिस्तानले शुरु गर्‍यो ‘बुनयान-उल-मरसूस’

एजेन्सी - भारतमाथि पाकिस्तानले कारबाही सुरु गर्ने घोषणा गरेको छ ।

भारतको ‘अपरेशन सिन्दूर’विरुद्ध जवाफी कारबाहीलाई पाकिस्तानले अपरेशन ‘बुन्यान उल मरसूस’ नाम दिएको हो ।

शनिबार बिहान पाकिस्तानी सेनाका प्रवक्ताले भारतले आफ्ना तीनवटा एयरबेसलाई निशाना बनाएको दाबी गरे ।

रावलपिंडीको बास नुर खान एयरबेस, चकवाल नजिकैको मुरिद र पूर्वी पञ्जाबको झाङ जिल्लाको रफिकी एयरबेस नजिकै विस्फोटको आवाज सुनिएको जनाइएको थियो।

यसअघि शुक्रबार राति पाकिस्तानले भारतका २६ शहरहरूलाई लक्षित गरी ड्रोन आक्रमण गरेको थियो ।