कोरोना कहर: २४ घण्टामा २८ सय जनाको मृत्यु

काठमाडौं -  विश्वभर फैलिएको कोरोना भाइरसको संक्रमणबाट ज्यान गुमाउनेको संख्या २४ हजार ७० पुगेको छ ।

पछिल्लो २४ घण्टामा मात्रै विश्वभर २ हजार ७ सय ८८ जनाले कोरोनो भाइरसका कारण ज्यान गुमाएका छन् भने ६० हजार ६ सय ६३ जना नयाँ संक्रमित फेला परेका छन् ।

पाँच लाख ३१ हजार ६ सय ९८ जनालाई कोरोना भाइरसको संक्रमण भएकोले एक लाख २३ हजार ९ सय २८ जना उपचारपछि निको भएका छन् ।

अहिले तीन लाख ८३ हजार सात सय जनाको उपचार भइरहेकोमा त्यमध्येका १९ हजार ३ सय ५७ जनाको अवस्था गम्भीर रहेको छ ।