काँग्रेसको अहिलेको माग चुनाव हैनः प्रवक्ता शर्मा

काठमाडौं - काँग्रेस प्रवक्ता विश्व प्रकाश शर्माले पार्टीको अहिलेको माग चुनाव नभएका् प्रष्ट पारेका छन् ।

प्रवक्ता शर्माले ट्विटरमा लेख्दै व्यक्तिगत मतहरु व्यक्तिगत नै हुने भन्दै यस्ता मतलाई पार्टीसँग जोडेर हेर्न नमिल्ने बताए ।

शर्माले संकटको घडीमा जिम्मेवार ढंगले सरकारलाई साथ दिने तर ढिलासुस्ती, अनियमितता र भ्रष्टाचार विरुद्ध खरो उत्रने पनि उल्लेख गरेका छन् ।

यसअघि वरिष्ट नेता रामचन्द्र पौडेलले सहमतिय सरकार र सह महामन्त्री प्रकाशशरण महतले मध्यावधि निर्वाचनको कुरा सार्वजनिक गरेका थिए ।