पहिरोले घर पुरेपछि नातिनी र हजुरआमा बेपत्ता

रोल्पा - रोल्पामा अविरल वर्षाका कारण पहिरोले घर पुरिएको छ ।

शुक्रबार राति सुनछहरी गाउँपालिका – ४ कामी डाँडामा पहिरो जाँदा २४ वर्षीय देउसिंह कामीको घर पहिरोले पुरिएको हो।

पहिरोले घरसँगै दुई जनालाई पुरेको जिल्ला प्रहरी कार्यालय रोल्पाले जनाएको छ । स्थानीयका अनुसार घरमा देउसिंहकी आमा र उनका ४ वर्षीया छोरी रहेका थिए ।

वर्षा नरोकिएको र पहिरो झर्ने क्रम जारी रहेको हुँदा उद्धारमा समस्या भइरहेको प्रहरीले जनाएको छ ।