काठमाडौं, एजेन्सी - बार्सिलोनाका कप्तान लियोनल मेसीले बार्सिलोनाका लागि ६४४ औं गोल पूरा गर्दै रेकर्ड बनाउने क्रममा लगाएको बुट अक्सनमा राखिएको छ ।

मेसीले बार्सिलोना क्लबको इतिहासमा एकै क्लबका लागि सर्वाधिक गोल गर्ने रेकर्ड राखेका छन् ।

उनले म्युजियो नेश्नल डी आर्टलाई उक्त बुट प्रदान गरेका हुन् । उक्त संस्थाले त्यस अक्सनबाट उठेको रकम बार्सिलोनामा आर्टस र स्वास्थ्य क्षेत्रमा लगानी गर्ने बताएको छ ।

एउटै क्लबका लागि ६४४ गोल गर्दा आफू निकै खुसी रहेको मेसीले अक्सनबारे बोल्दै भनेका छन् । उनले २०२० को डिसेम्बर २२ मा भालाडोलिडविरुद्ध ६४४ औँ गोल गर्दै पेलेको सान्टोसका लागि गरेको ६४३ गोलको रेकर्ड तोड्न सफल रहेका छन् ।