काठमाडौं - नेकपा एमालेका अध्यक्ष केपी ओलीले वर्तमान सरकारले भत्काउने काममात्रै गरेको आरोप लगाएका छन् ।

बुटवलमा एमाले कार्यकर्ता भेलालाई मंगलबार सम्बोधन गर्दै ओलीले अब घन्टाघर पनि भत्काउन लागेको भन्दै आपत्ति जनाएका हुन् । घन्टाघर भत्काए पनि बनाउन नसक्ने उनको भनाइ छ।

'हामीले धरहरा बनायौं । रानीपोखरी बनायौँ,' उनले भने, 'अब यिनीहरूले घन्टाघर भत्काएर नयाँ बनाउने रे । यिनीहरूले भत्काउलान् तर बनाउँदैनन् । यिनीहरूले भत्काए भने हामी आएर भव्य घन्टाघर बनाउँछौं । एमालेले बनाउँछ,' उनले भने ।