युभेन्ट्स र एसी मिलान पराजित

काठमाडौं,एजेन्सी - इटालियन सिरी ए मा युभेन्ट्स पराजित भएको छ । गएराति भएको खेलमा युभेन्ट्स नापोलीसँग १-० ले स्तब्ध बनेको हो ।

नापोलीको लोरेन्जो इन्सिग्नेले निर्णायक गोल गरे । घरेलु मैदानमा खेलको ३१ औं मिनेटमा लोरेन्जोले पेनाल्टीमा गोल गरेका थिए । युभेन्टसले बल आफ्नो पकडमा राखेपनि गोल भने गर्न सकेन ।

जितसँगै नापोली २१ खेलमा ४० अंक जोडेर लिगको चौंथो स्थानमा उक्लिएको छ । पराजित युभेन्ट्स भने ४२ अंक जोडेर तेस्रो स्थानमा रहेको छ ।