सभामुख घिमिरेले गरे अध्यादेशबारे प्रमुख सचेतकहरूसँग छलफल
खबर एक्सप्रेस
२०८१-१०-२३ ०४:१० मा प्रकाशित
Total Shares: 21
काठमाडौं - सभामुख देवराज घिमिरेले प्रमुख सचेतकहरू र सचेतकहरूसँग छलफल गरेका छन्।
सभामुख घिमिरेले सिंहदरबारस्थित कार्यकक्षमा प्रमुख दलका मुख्य सचेतक तथा प्रमुख सचेतकसँग छलफल थालेका हुन्।
सरकारले सदनमा पेस गरेका अध्यादेशबारे केन्द्रित रहेर सभामुख घिमिरेले सत्ता र प्रतिपक्षी दलका सचेतकहरूलाई छलफलका लागि बोलाएका थिए ।
सरकारले गत माघ १८ गते प्रतिनिधि सभा र राष्ट्रिय सभामा ६ वटा अध्यादेश पेस गरेको छ। ती अध्यादेश बिहीबारको प्रतिनिधि सभा र राष्ट्रिय सभामा निर्णयार्थ पेस हुनेछ।
प्रतिपक्षी दलका सांसदहरूले अध्यादेश अस्वीकृत गर्न प्रतिनिधि सभामा ५० र राष्ट्रिय सभामा १६ प्रस्ताव दर्ता गरेका छन्।
फेसबुक पेज Like गर्नुहोस